На сераду Нацбанк устанавіў наступны курс агульнаеўрапейскай валюты — 3 007 рублёў 40 капеек. У банках сёння ўжо нельга набыць еўра ніжэй, чым па 3 000 рублёў.
На сераду Нацбанк устанавіў курс агульнаеўрапейскай валюты — 3 007 рублёў 40 капеек.
У банках сёння ўжо нельга набыць іх ніжэй, чым па 3 000 рублёў.
Паводле курсу Нацыянальнага банку на 17 снежня, на сераду ўсталяваны наступны курс агульнаеўрапейскай валюты — 3 007 рублёў 40 капеек за еўра. Г.зн, суадносіны еўра/даляр цяпер складаюць 1,367.
Даляр ужо каторы дзень працягваюць утрымліваць на адзнацы ў 2 200 рублёў за адзінку амерыканскай валюты.
Нагадаем, што 2 200 рублёў адпавядае верхняй мяжы запланаванага Нацыянальным банкам калідора (2 100 — 2 200 рублёў) афіцыйнага курсу беларускага рубля ў дачыненні да даляра ў 2008 г.
І перакрочваць тую мяжу перад новым годам, ой як няхочацца. Нават было заяўлена, што курс у 2200 рублёў да канца году не будзе перакрочаны.
Таму пакуль адпусцілі еўра.
Сёння ў сталічных банках еўра можна было дзе‑нідзе здаць па 3 010 — 3030 рублёў (яшчэ месяц таму курс у 2 700 рублёў на здаванне падаваўся за шчасце).
Затое купіць сёння еўра ніжэй за 3 000 рублёў немагчыма.
***
У сярэдзіне ліпеня курс еўра ў Беларусі сягаў найбольшае адзнакі.
Так, 15 ліпеня Нацбанк устанавіў наступны курс агульнаеўрапейскай валюты 3 394,65 рубля (суадносіны еўра / даляр тады складалі 1.60125).
З канца жніўня пачаўся спад еўра, які дасягнуў ніжэйшае адзнакі. На 14 лістапада еўра меў афіцыйны курс у 2668 рублёў.
Еўра вырас не толькі ў Беларусі. Сёння ў Расіі еўра вырас да рэкорду з 2004 году: з 17 снежня ён каштуе 37,82 рубля.
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?11
Каментары