Гарадзенец вырашыў прывезці з Польшчы 60 упаковак кавы ў бензабаку і спінках крэслаў — аўто канфіскуюць ФОТЫ
Спробу незаконнага ўвозу кавы ў Беларусь спынілі супрацоўнікі Гродзенскай рэгіянальнай мытні ў пункце пропуску «Брузгі», паведамляе сайт Дзяржаўнага мытнага камітэта.
35-гадовы жыхар Гродна вяртаўся з Польшчы на легкавым аўтамабілі Audi А6. Транспартны сродак праязджаў па «зялёным» калідоры. Гаспадар аўтамабіля растлумачыў, што перавозіць толькі прадукты харчавання агульнай вагой крыху больш за 11 кілаграмаў.
Пры дэталёвым аглядзе ў спінках крэслаў аўтамабіля, а таксама ў яго паліўным баку выявілі каля 60 пачкаў кавы розных найменняў. Таксама знойдзены і іншы схаваны ад старонніх вачэй тавар. Усяго — амаль 35 кілаграмаў.
Улічваючы колькасць тавару і яго характар, ён не можа быць аднесены да тавару для асабістага карыстання. Па выяўленым парушэнні мытняй пачаты адміністрацыйны працэс у адпаведнасці з часткай 2 артыкула 14.1 Кодэкса аб адміністрацыйных правапарушэннях.
Санкцыя артыкула прадугледжвае канфіскацыю транспартнага сродку. Незаконны тавар і аўтамабіль, як сродак здзяйснення правапарушэння, канфіскаваныя да рашэння суда.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары