Нацыянальны банк Беларусі рыхтуе новыя меры для дэдаларызацыі эканомікі, плануюцца змены ў Грамадзянскі і Банкаўскі кодэксы. Пра гэта гаворыцца ў дакладзе намесніка старшыні праўлення Нацыянальнага банка Сяргея Калечыца на пашыраным пасяджэнні праўлення, паведамляе Звязда.
«У 2019 годзе Нацыянальны банк працягне прымаць меры па зніжэнні ўзроўню даларызацыі эканомікі наяўнымі ў яго распараджэнні захадамі. Да канца гэтага года і ў наступныя гады ўдзельная вага крэдытаў у нацыянальнай валюце ў сукупнай структуры крэдытаў устойліва павінен быць вышэй за 50%», - адзначыў Сяргей Калечыц.
Вядзецца праца па ўнясенні змяненняў у Грамадзянскі і Банкаўскі кодэксы, указы кіраўніка дзяржавы ў частцы выключэння выкарыстання ў разліках замежнай валюты, а таксама прывязкі да яе розных тарыфаў.
Адначасова дзеянні Нацыянальнага банка будуць накіраваныя на фарміраванне новай заканадаўчай базы, якая прадугледжвае зняцце абмежаванняў на правядзенне валютных аперацый, звязаных з рухам капіталу для фізічных асоб, зняцце абмежаванняў на адкрыццё рахункаў юрыдычнымі асобамі ў замежных банках, адмену абмежаванняў па тэрмінах рэпатрыяцыі валютнай выручкі і ўсталяванне тэрмінаў вяртання валютнай выручкі непасрэдна ў замежнагандлёвых дамовах. Прадугледжана стварэнне сiстэмы валютнага маніторынгу.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары