Nacyjanalny bank Biełarusi rychtuje novyja miery dla dedałaryzacyi ekanomiki, płanujucca źmieny ŭ Hramadzianski i Bankaŭski kodeksy. Pra heta havorycca ŭ dakładzie namieśnika staršyni praŭleńnia Nacyjanalnaha banka Siarhieja Kalečyca na pašyranym pasiadžeńni praŭleńnia, paviedamlaje Źviazda.
«U 2019 hodzie Nacyjanalny bank praciahnie prymać miery pa źnižeńni ŭzroŭniu dałaryzacyi ekanomiki najaŭnymi ŭ jaho rasparadžeńni zachadami. Da kanca hetaha hoda i ŭ nastupnyja hady ŭdzielnaja vaha kredytaŭ u nacyjanalnaj valucie ŭ sukupnaj struktury kredytaŭ ustojliva pavinien być vyšej za 50%», - adznačyŭ Siarhiej Kalečyc.
Viadziecca praca pa ŭniasieńni źmianieńniaŭ u Hramadzianski i Bankaŭski kodeksy, ukazy kiraŭnika dziaržavy ŭ častcy vyklučeńnia vykarystańnia ŭ raźlikach zamiežnaj valuty, a taksama pryviazki da jaje roznych taryfaŭ.
Adnačasova dziejańni Nacyjanalnaha banka buduć nakiravanyja na farmiravańnie novaj zakanadaŭčaj bazy, jakaja praduhledžvaje źniaćcie abmiežavańniaŭ na praviadzieńnie valutnych apieracyj, źviazanych z rucham kapitału dla fizičnych asob, źniaćcie abmiežavańniaŭ na adkryćcio rachunkaŭ jurydyčnymi asobami ŭ zamiežnych bankach, admienu abmiežavańniaŭ pa terminach repatryjacyi valutnaj vyručki i ŭstalavańnie terminaŭ viartańnia valutnaj vyručki niepasredna ŭ zamiežnahandlovych damovach. Praduhledžana stvareńnie sistemy valutnaha manitorynhu.
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary