Пагранічная палітыка Беларусі накіравана не на канфрантацыю з суседнімі дзяржавамі, а на ўмацаванне пояса добрасуседства. Пра гэта заявіў Аляксандр Лукашэнка 4 лютага пры зацвярджэнні рашэння на ахову дзяржаўнай мяжы органамі пагранічнай службы ў 2019 годзе, паведамляе яго прэс-служба.
«З гэтага мы перш за ўсё павінны зыходзіць. Не проста на замок наглуха зачыняць мяжу і ствараць праблемы для сваіх грамадзян і тых, хто да нас прыязджае, а стварыць спрыяльную зону і ў той жа час адсякаць тых, хто да нас едзе з непажаданымі намерамі. асабліва гэта важна напярэдадні II Еўрапейскіх гульняў», — сказаў кіраўнік дзяржавы.
Аляксандр Лукашэнка даручыў забяспечыць законнасць і правапарадак, праяўляючы максімум увагі да турыстаў і гасцям Беларусі.
Ён нагадаў, што год таму былі канкрэтызаваны напрамкі работы Дзяржпагранкамітэта па ахове межаў і ўзмацненні правапарадку на прыгранічнай тэрыторыі. Прыняты ўсе неабходныя рашэнні. Праведзеная аптымізацыя кантрольных працэдур на мяжы дазволіла павысіць эфектыўнасць беларускіх пунктаў пропуску. «Практыка паказала, што асобныя функцыі пагранічнікаў у шэрагу выпадкаў могуць сваімі сіламі выконваць супрацоўнікі мытняў. Гэта рацыянальны падыход, і дадзеную работу трэба працягнуць», — лічыць кіраўнік дзяржавы.
«З улікам узрастання негатыўных фактараў, звязаных з незаконнай міграцыяй, наркатрафікам, кантрабандай (асабліва зброі), перад Дзяржпагранкамітэтам пастаўлена задача павялічыць да неабходнага штатную колькасць.
Беспрэцэдэнтны крок, але нацыянальная бяспека — найважнейшы фактар», — падкрэсліў ён
Аляксандр Лукашэнка ў сувязі з гэтым запатрабаваў прыняць вычарпальныя меры па павелічэнні і стварэнні новых падраздзяленняў мяжы. «Асабліва пра што мы з вамі дамаўляліся — адраджэнне ці ўзмацненне манеўраных груп. Гэта тыя групы, якія знаходзяцца заўсёды ў рэзерве кіраўнікоў пагранічных атрадаў і ў лічаныя хвіліны высоўваюцца на напрамкі імавернага руху праціўніка, калі там абвастрэнне сітуацыі», - сказаў ён.
Перад кіраўніцтвам Дзяржпагранкамітэта кіраўнік дзяржавы паставіў шэраг актуальных пытанняў, у тым ліку наколькі здольныя органы памежнай службы процістаяць існуючым выклікам. «Выклікаў стала больш, чым гэта было нават у мінулым годзе», — заўважыў беларускі лідар.
Акрамя таго, Аляксандр Лукашэнка пацікавіўся, якія меры ўжо ажыццяўляюцца і будуць прадпрымацца ў далейшым для таго, каб гарантаваць бяспеку краіны, а таксама што яшчэ неабходна зрабіць для эфектыўнай працы памежнікаў.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну20
Каментары