Пасажыры жорстка збілі жанчыну-таксістку — яна апынулася ў бальніцы
Пра жорсткі напад на жанчыну-таксістку распавялі ў суполцы «Таксабро» — аб’яднанні людзей, што працуюць у таксі. Здарэнне адбылося ў Барысаве ў ноч з 9 на 10 мая, піша Onliner.
Па інфармацыі суполкі, інцыдэнт здарыўся пасля звычайнага начнога заказу.
Жанчына-таксістка ўзяла паездку з маладой парай і маленькім дзіцем. Падчас руху пасажыры заснулі, а на канчатковым пункце кіроўца не змагла іх разбудзіць.
Калі таксістка чарговы раз паспрабавала прывесці пасажыраў у пачуцці, мужчына раптам накінуўся на яе з кулакамі, пазней да збіцця далучылася і яго спадарожніца — жанчыну-таксістку білі проста ў машыне.
У рэдакцыю трапіла відэа з рэгістратара, знятае падчас канфлікту.
На кадрах бачна, як жанчына-кіроўца спрабуе разбудзіць пасажыраў і просіць аплаціць паездку. Пасля гэтага мужчына раптам пачынае збіваць таксістку, а пазней да яго далучаецца і яго спадарожніца. На фоне пры гэтым чуваць плач маленькага дзіцяці. Мяркуючы па відэа, жанчыну білі не толькі рукамі, але і нагамі — у тым ліку па твары.
У выніку кіроўца атрымала сур’ёзныя траўмы і апынулася ў бальніцы. Вядома, што ёй зрабілі аперацыю. «Мяне прааперыравалі, паднялі вось гэтую костку. Так, у бальніцы ляжу», — распавяла пацярпелая.
Цяпер чытаюць
Вядучы СТБ Раман Пратасевіч пабраўся шлюбам трэцім разам49
Вядучы СТБ Раман Пратасевіч пабраўся шлюбам трэцім разам
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю44
Каментары
А на гора лекараў, якія не ўбачылі пералому, трэба пісаць заяву ва ўпраўленне аховы здароўя, каб прыцягнулі да адказнасці за неналежнае выкананне сваіх службовых абавязкаў.