Ціханоўская пракаментавала тэлефонную размову Макрона і Лукашэнкі
Святлана Ціханоўская выказалася наконт тэлефоннай размовы прэзідэнта Францыі Эмануэля Макрона з Аляксандрам Лукашэнкам, адзначыўшы, што французскі бок хацеў перадаць выразны сігнал датычна вайны і ядзернага шантажу.
Паводле паведамленняў прэс-службы Лукашэнкі, кантакт адбыўся па ініцыятыве французскага боку. Палітыкі абмеркавалі рэгіянальныя праблемы і ўзаемаадносіны Беларусі з ЕС. Гэтыя перамовы прайшлі на фоне нядаўніх расійскіх ядзерных вучэнняў і сустрэчы Уладзіміра Зяленскага з лідарамі Германіі, Францыі і Вялікабрытаніі, дзе ў тым ліку ўздымалася беларускае пытанне.
Францыя пакуль афіцыйна не паведамляла дэталі і вынікі гэтых перамоў. Офіс Святланы Ціханоўскай апублікаваў наступны каментар:
«Галоўная мэта — перадаць Лукашэнку выразны сігнал пра недапушчальнасць далейшага ўцягвання Беларусі ў вайну, а таксама ўдзелу ў ядзерным шантажы і стварэнні пагроз у рэгіёне. Разам з тым, усе разумеюць, што Лукашэнка не мае сапраўднай самастойнасці, залежыць ад Крамля і не прадстаўляе беларускі народ.
Апошнія месяцы мы бачым, што рэжым толькі ўзмацняе ціск на суседзяў, працягваюцца правакацыі, гэтаксама як і рэпрэсіі супраць беларусаў. Мы павінны дабівацца сістэмных незваротных дэмакратычных змен у Беларусі і сапраўднага дыялогу — дыялогу з беларускім грамадствам».
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары
[Зрэдагавана]