У Мінску 13 сакавіка можна будзе бясплатна пазаймацца ў фітнэс-клубе «Адрэналін». А ўслед за сталіцай праект «Адкрытая трэніроўка TEOS» ахопіць яшчэ 6 гарадоў краіны. Мэта ў яго — навучыць беларусаў весці здаровы лад жыцця і правільна харчавацца.
Бясплатныя трэніроўкі пройдуць у Мінску, Гомелі, Гродне, Брэсце, Пінску, Лунінцы і Оршы. Пускаць на заняткі фітнэсам без квіткоў і клубных карт па папярэднім запісе будуць раз на месяц. Узяць удзел можа кожны, каму цікава займацца спортам на аматарскім узроўні і правільна харчавацца.
Першая «Адкрытая трэніроўка TEOS» пройдзе 13 сакавіка ў 18:00 у мінскім клубе «Адрэналін» (Чыгуначная, 138). Усіх удзельнікаў чакае гадзінны Fitness Mix, падчас якога можна будзе паспрабаваць розныя праграмы фітнэсу і іншых напрамкаў. Для запісу трэба прайсці простую анлайн-рэгістрацыю. Паколькі колькасць месцаў абмежаваная, запрашальнікі будуць разыграныя выпадковым чынам.
Усе заняткі будуць групавымі і складзеныя такім чынам, каб карысць была як для мужчын, так і для жанчын. Акрамя трэніроўкі і майстар-класу трэнера, усе ўдзельнікі атрымаюць асабістыя рэкамендацыі па правільным харчаванні.
«Праект павінен даць дадатковы стымул весці здаровы лад жыцця. Тыя, хто ўжо займаецца фітнэсам, проста правядуць час з карысцю для свайго арганізма. А тыя, хто толькі пачынае, змогуць прыглядзецца да папулярных напрамкаў і, магчыма, працягнуць трэніроўкі сістэмна. Акрамя таго, мы пакажам, як правільна харчавацца і перакусваць з грэчаскім ёгуртам TEOS, бо без правільнага рацыёну немагчыма дасягнуць заўважных вынікаў», — патлумачыла дырэктар па сувязях з грамадскасцю ААТ «Савушкаў прадукт» Алена Бабкіна.
Гадавы ЗЛЖ-праект ладзяць кампанія «Савушкаў прадукт» і сетка фітнэс-клубаў «Адрэналін». Бясплатныя трэніроўкі будуць праходзіць раз на месяц да канца года.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары