У Мінску да канца года вызначацца з далейшымі крокамі ў дачыненні да прыватнага сектара, паведаміў мэр Мінска Анатоль Сівак у інтэрв'ю каналу «Беларусь 1».
Сівак лічыць, што папярэднія падыходы да індывідуальнай малапавярховай забудовы былі памылковыя.
«Фактычна ўвесь прыватны сектар праз сістэму ўпраўленняў капітальнага будаўніцтва, іншых заказчыкаў пачалі зносіць. Усё ж гэтая пазіцыя няправільная. Мы ўсюды прыступілі да гэтага працэсу, але ён настолькі павольны і цягнецца гадамі, што людзі абураюцца ўжо не толькі зносам, але і тым, чаму не зносяць. Выразнасці няма», — сказаў ён.
Паводле мэра, мінчукі ставілі гэтыя пытанні ў тым ліку падчас асабістых прыёмаў грамадзян, і па Сельгаспасёлку ўжо прынялі рашэнні.
«На сёння мы працэс зносу прыпынілі. Кропкава разглядаем іншыя гарадскія тэрыторыі, дзесьці такія рашэнні будуць тыражавацца», — адзначыў Анатоль Сівак.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары