27 сакавіка адбудзецца канферэнцыя Беларускай федэрацыі футбола, на якім будзе абраны старшыня арганізацыі.
Сяргей Румас, што ўзнавальваў БФФ, не будзе балатавацца на пасаду кіраўніка. Адмовіўся ад удзелу ў выбарах і генеральны сакратар БФФ Юрый Вяргейчык. Адзіным прэтэндэнтам на пасаду старшыні застаўся Уладзімір Базанаў — дэпутат Палаты прадстаўнікоў і былы ваенны камісар Брэсцкай вобласці.
«Сустрэўшыся з Уладзімірам Аляксандравічам [Базанавым] і абмяняўшыся думкамі наконт далейшага развіцця беларускага футбола, убачылі, што маем у поглядах шмат агульнага. І, што самае важнае, расстаўляем аднолькавыя прыярытэты ў ключавых пытаннях. Таму — пасля года працы на пасадзе генеральнага сакратара АБФФ — лічу куды больш прадуктыўным і ў далейшым факусаваць увагу на спартыўным складніку дзейнасці федэрацыі», — патлумачыў Вяргейчык сайту БФФ.
***
Уладзімір Базанаў
Нарадзіўся ў 1957 годзе ў вёсцы Бардзінскае Бабаеўскага раёна Валагодскай вобласці Расіі.
Скончыў Каломенскае вышэйшае ваеннае артылерыйскае вучылішча, Ваенную артылерыйскую акадэмію. Палкоўнік.
Праходзіў ваенную службу на пасадах камандзіра ўзвода, камандзіра батарэі, начальніка штаба дывізіёна, камандзіра дывізіёна, начальніка штаба брыгады, камандзіра артылерыйскага палка, камандзіра ракетнай брыгады, намесніка ваеннага камісара вобласці, ваеннага камісара ваеннага камісарыята Брэсцкай вобласці.
Дэпутат Палаты прадстаўнікоў з 2012 года.
Старшыня абласной грамадскай арганізацыі «Беларускі саюз ветэранаў вайны ў Афганістане», член савета і прэзідыума Брэсцкай абласной арганізацыі «Белай Русі».
Жанаты, мае двух сыноў.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары