Каманда беларускага брамніка Дзмітрыя Мільчакова саступіла ў вырашальным паядынку паўфінальнай серыі плэй-оф, паведамляе сайт Федэрацыі хакея.
«Тршынец» на родным лёдзе апынуўся мацней за «Пльзень» Дзмітрыя Мільчакова — 5:1, што забяспечыла камандзе месца ў фінале (лік у серыі 4:3).
Такім чынам, клубны сезон для Дзмітрыя завяршыўся.
Пасля гульні трэнерскі штаб зборнай Беларусі звязаўся з брамнікам, які выказаў гатоўнасць далучыцца да нацыянальнай каманды. Дзмітрый прыляціць у Беларусь у сераду, 17 красавіка.
Нагадаем, што зборная Беларусі згуляе ў дывізіёне, куды вылецела пасля 15 гадоў перабывання ў эліце. Турнір пройдзе з 29 красавіка па 5 мая ў Нур-Султане.
Супернікамі нашай каманды будуць зборныя Казахстана, Славеніі, Венгрыі, Літвы і Паўднёвай Карэі.
Расклад гульняў наступны:
29 красавіка: Беларусь — Літва,
30 красавіка: Беларусь — Венгрыя
2 мая: Беларусь — Славенія
4 мая: Беларусь — Казахстан
5 мая: Беларусь — Паўднёвая Карэя
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары