Абалонскі раённы суд Кіева аштрафаваў абранага прэзідэнта Украіны Уладзіміра Зяленскага на 850 грыўняў (каля 70 беларускіх), прызнаўшы яго вінаватым у незаконнай агітацыі на выбарах, паведамляюць «Украінскія навіны».
21 красавіка ў ходзе галасавання ў другім туры прэзідэнцкіх выбараў Зяленскі прадэманстраваў журналістам свой запоўнены выбарчы бюлетэнь. Пасля гэтага паліцыя склала на кандыдата адміністрацыйны пратакол па артыкуле аб парушэнні правілаў вядзення перадвыбарчай агітацыі.
У штабе Зяленскага заяўлялі, што не бачаць «вялікай праблемы» у дэманстрацыі бюлетэня, сам палітык пазней растлумачыў сваё парушэнне тым, што «не зарыентаваўся».
На пасяджэнне Абалонскага суда Зяленскі не з'явіўся.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары