Уладзімір Някляеў з’ехаў у Швецыю як пісьменнік-бежанец. Пакуль невядома, наколькі надоўга
Паэт і палітык Уладзімір Някляеў цяпер знаходзіцца ў шведскім горадзе Лунд. Выданне Sydsvenskan напісала, што беларускі аўтар атрымаў статус пісьменніка-бежанца ў Швецыі.
Паводле шведскіх СМІ, Някляеў атрымаў двухгадовую стыпендыю, а таксама бясплатнае пражыванне ў горадзе Лунд, які знаходзіцца на поўдні Швецыі.
«Праграма накіраваная на пісьменнікаў, якія падвяргаюцца цэнзуры ці пераследу ў сваёй краіне», — гаворыцца ў паведамленні.
Уладзімір Някляеў пракаментаваў для «НН» сваё знаходжанне ў скандынаўскай краіне.
«Гэта ні ў якім разе не эміграцыя. Я меў запрашэнне ад шведаў, але не мог скарыстаць яго праз справы ў Беларусі. Паколькі абвесцілі, што прэзідэнцкія выбары адбудуцца не сёлета, то я вырашыў выкарыстаць гэтую магчымасць. Спадзяюся за гэты час дапісаць раман пра Янку Купалу», — кажа Някляеў.
На пытанне, колькі ён плануе прабыць у Лундзе, пісьменнік адказвае наступнае: «Лета дакладна буду, а там як атрымаецца». Ён запэўнівае, што дакладна не збіраецца праводзіць у Швецыі два гады. Жонка Вольга засталася ў Мінску. Пра бытавыя ўмовы прыбывання ў Лундзе ён жартуе так: «Ёсцека дзе жыць. Умовы не горшыя, чым у беларускіх турмах».
Уладзімір Някляеў нарадзіўся ў 1946 годзе ў Крэве Смаргонскага раёна. Вядомы паэт. У 2010 годзе ўдзельнічаў у прэзідэнцкіх выбарах у якасці кандыдата, пасля чаго правёў пэўны час у турме і пад хатнім арыштам. Працягвае па сёння займацца грамадскай дзейнасцю.
-
Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
-
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА
-
Расіяніну, які п'яным пабіўся з ахоўнікамі мінскага метро, вынеслі прысуд
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары