Жыхар Берасця спрабаваў абмяняць у банку падробленыя $50, паведамляе БелТА.
У аддзяленне банка звярнуўся 27-гадовы берасцеец. Малады чалавек прад'явіў да абмену купюру вартасцю $50, якая выклікала ў супрацоўніцы банка сумневы ў сапраўднасці. Пра гэта яна тут жа паведаміла праваахоўнікам. Была прызначаная экспертыза. Аказалася, што гэта была 5-даляравая банкнота, на якую наляпілі лічбу 0, а таксама змянілі малюнак і тэкст.
Са слоў затрыманага, купюру ён атрымаў пры абмене грошай на тэрыторыі Украіны і пра тое, што яна можа быць падробленая, не здагадваўся. Брэсцкі міжраённы аддзел Следчага камітэта завёў крымінальную справу па ч.1 арт.221 (выраб, захоўванне або збыт падробленых грошай ці каштоўных папер) КК.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары