Трамп пагражае знішчыць Іран, калі той атакуе «што-небудзь амерыканскае»
Прэзідэнт ЗША Дональд Трамп прыгразіў Ірану «велізарнай сілай» аж да знішчэння ў выпадку атакі на Злучаныя Штаты.
«Любы напад Ірана на што-небудзь амерыканскае будзе сустрэты з велізарнай і пераважнай сілай. У некаторых абласцях пераважная будзе азначаць знішчэнне», - напісаў ён у твітары.
Iran leadership doesn’t understand the words “nice” or “compassion,” they never have. Sadly, the thing they do understand is Strength and Power, and the USA is by far the most powerful Military Force in the world, with 1.5 Trillion Dollars invested over the last two years alone..
«Больш ніякага Джона Кэры і Абамы!» - дадаў прэзідэнт ЗША, маючы на ўвазе свайго папярэдніка і былога дзяржсакратара, якія заключылі ў 2015 годзе ядзерную здзелку c Іранам, якую Трамп разарваў у 2018-м.
Гэты твіт кіраўніка Белага дома стаў рэакцыяй на словы прэзідэнта Ірана Хасана Роухані: той пасля таго, як Вашынгтон увёў санкцыі супраць іранскага кіраўніцтва і ваеначальнікаў, заявіў, што амерыканскую адміністрацыю «ахапіла разумовая непаўнавартаснасць» і яна не ведае, што робіць.
Напярэдадні амерыканскія ўлады ўвялі жорсткія санкцыі супраць вышэйшага кіраўніцтва Корпуса вартавых ісламскай рэвалюцыі, а сам КВІР абвясцілі тэрарыстычнай арганізацыяй. У адказ Іран прызнаў тэрарыстычнай арганізацыяй амерыканскае Цэнтральнае камандаванне, а Штаты - «дзяржавай - спонсарам тэрарызму».
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары