У Слуцкім раёне на старшыню сельсавета завялі дзве крымінальныя справы. Ён знёс каля 50 дамоў
Старшыню Сорагскага сельсавета падазраюць у незаконным зносе некалькіх дзясяткаў дамоў у вёсках на тэрыторыі сельсавета. Чыноўнік не атрымліваў згоды ўласнікаў на знос і не адпраўляў ім апавяшчэнняў, паведамляе УУС Мінаблвыканкама.
Калі нашчадкі захацелі вярнуцца ў бацькоўскія хаты, яны там нічога не ўбачылі. Случчакі адразу звярнуліся з заявамі ў міліцыю. Чыноўнік, перавышаючы свае службовыя паўнамоцтвы, без узгаднення з ўласнікамі, вынес рашэнне аб зносе іх пустых хат у вёсцы Сорагі.
Знеслі каля пяцідзесяці дамоў. Па выніках праверкі, уласнікі былі толькі ў двух дамоў. Высветліць гэта было проста, звярнуўшыся ў кадастравае агенцтва. Падатковая інспекцыя такім жа чынам раней адшукала і апавясціла грамадзян, што яны не заплацілі зямельны падатак. Тыя аплацілі і збіраліся выкарыстоўваць хаты, што засталіся ў спадчыну. Старшыня сельсавета мог такім жа спосабам знайсці ўладальнікаў дамоў і звязацца з імі, але гэтага не зрабіў.
Завялі дзве крымінальныя справы па ч. 3 арт. 426 КК Рэспублікі Беларусь (перавышэнне ўлады або службовых паўнамоцтваў).
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося19
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі88
Каментары