Заява прэзідыума Палітрады АДС у сувязі cа стварэннем кансультацыйнае рады пры адміністрацыі Лукашэнкі
У апошні час у асобных як незалежных, так і дзяржаўных СМІ з'явілася інфармацыя аб пашырэнні кантактаў улады з прадстаўнікамі дэмакратычнай апазіцыі.
У прыватнасці, аб уключэнні прадстаўнікоў шэрагу палітычных партый і грамадскіх аб'яднанняў, што ўваходзяць у АДС, у Грамадска-кансультацыйную раду пры Адміністрацыі прэзідэнта, якую ўзначаліў кіраўнік Адміністрацыі Ўладзімір Макей. У сувязі з гэтым Прэзідыум Палітрады АДС лічыць неабходным заявіць:
- ніякіх афіцыйных прапановаў аб накіраванні сваіх прадстаўнікоў у вышэйназваную Раду суб'екты АДС не атрымлівалі;
- статут, паўнамоцтвы і склад пазначанай структуры застаюцца незразумелымі;
- ацэнку дадзенаму органу можна будзе даць толькі зыходзячы з пэўнага выніку ягонай дзейнасці па дэмакратызацыі ўсіх сфер грамадска-палітычнага жыцця.
Прэзідыум таксама заяўляе, што дэмакратычныя сілы гатовыя да адкрытага транспарэнтнага дыялогу з уладамі па актуальных праблемах, якія хвалююць беларускае грамадства, што адлюстравана ў стратэгіі дзейнасці АДС, прынятай на апошнім Кангрэсе прыхільнікаў дэмакратычных перамен у 2007 годзе.
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары