Прэзідэнт Францыі Эманюэль Макрон заявіў, што жыхарам Бразіліі сорамна за паводзіны прэзідэнта краіны Жаіра Балсанару, які ў Facebook пасмяяўся са знешнасці жонкі французскага лідара, паведамляе BFM TV.
«Я думаю, што бразільскім жанчынам было сорамна чытаць заяву свайго прэзідэнта. Лічу, што прадстаўнікам вялікага народа Бразіліі сорамна за такія паводзіны. Паколькі я вельмі паважаю бразільцаў, я вельмі спадзяюся, што ў іх будзе прэзідэнт, які нармальна сябе паводзіць», — сказаў Макрон.
Раней карыстальнік Facebook Радрыгу Андрэас саркастычна адрэагаваў на спрэчку паміж Макронам і Балсанару наконт сітуацыі з пажарамі ў Амазоніі. Ён размясціў дзве фатаграфіі. На адной быў Балсанару з 37-гадовай жонкай Мішэль у дзень інаўгурацыі, на другой — Макрон з 66-гадовай жонкай Брыджыт. Фота ён падпісаў так: «Цяпер вы разумееце, чаму Макрон пераследуе Балсанару».
Балсанару адным з першых пакінуў каментар пад допісам: «Не прыніжай чалавека. Лол».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары