Мітрапаліт Павел: Люблю сваю паству. Наколькі яна мяне любіць — не ведаю
Сёння ў Беларусі няма неабходнасці рабіць нейкія пераўтварэнні, адміністрацыйныя тым больш, пераўтварэнні ў кананічным праве. Пра гэта ў эфіры тэлеканала СТБ сказаў патрыяршы экзарх усяе Беларусі, мітрапаліт Павел.
«Як толькі пачынаюць палітыкі ўмешвацца ў жыццё Царквы, усё ідзе наперакасяк. Пад такім нацыяналістычным, пад палітыканствам крыецца спроба падзяліць людзей. Былі спробы прапанаваць або абвясціць аўтакефалію Беларускай праваслаўнай царквы ці нейкую аўтаномію.
Вы ведаеце, я часта расказваю пра сваю сустрэчу з мітрапалітам Тадэвушам Кандрусевічам. Я яго пытаюся: «Уладыка, а вы таксама хочаце абвясціць аўтакефалію Каталіцкай царквы ў Беларусі?» Ён у адказ: «Не-не-не!». Я кажу: «Чамусьці нам усе кажуць: праваслаўная царква павінна абвясціць аўтакефалію ў Беларусі».
Сёння ў Беларусі няма неабходнасці гэта рабіць, нейкія пераўтварэнні, адміністрацыйныя тым больш, пераўтварэнні ў кананічным праве. Дайце нам жыць у міры і згодзе «.
Адказваючы на віншаванне з 30-годдзем утварэння Беларускага экзархата Маскоўскага патрыярхата, кіраўнік БПЦ адзначыў: «Экзархат, мітраполія — гэта такое ўнутранае царкоўнае утварэнне, якое рэгулюе жыццё на нейкай пэўнай прасторы. У нас 15 епархій на тэрыторыі Беларускага экзархата. Больш за 2000 святароў і дыяканаў, больш за 1600 прыходаў у нас, 35 манастыроў».
Павел таксама паведаміў, што пастанова аб неабходнасці прызначэння на настаяцельскія пасады грамадзян Беларусі абмяжоўвае магчымасці Царквы.
«У нас існуе сёння пастанова Савета Міністраў аб неабходнасці прызначэння на настаяцельскія пасады грамадзян Рэспублікі Беларусь. Гэта, вядома, абмяжоўвае нашы магчымасці і здольнасці. Я б сказаў, у некаторых выпадках гэта адмоўна ўплывае. Будзем спадзявацца, што калісьці гэтыя рамкі будуць знятыя, бо гэта перажыткі мінулага», — лічыць патрыяршы экзарх.
Адказваючы на камплімент, маўляў, яго пропаведзі заўсёды вызначаюцца шчырасцю, часта заснаваныя на падзеях з жыцця, з асабістага досведу, мітрапаліт Мінскі і Заслаўскі, патрыяршы экзарх усяе Беларусі Павел адзначыў:
«Які я ёсць — такі я ёсць. Мая задача — людзям Евангелле паднесці такім чынам, каб яны зразумелі.
Я вельмі люблю Беларусь. Я вельмі люблю беларускі народ. Я думаю, што і вы палюбіць Беларусь і беларускі народ. Вы ведаеце, словы найсвяцейшага Патрыярха Кірыла на пачатку майго служэння.
Люблю сваю паству. Наколькі яна мяне любіць— не ведаю, трэба ў паствы спытаць. Я прыехаў у Беларусь з надзеяй і з разлікам, што я тут завяршу свой зямны шлях».
Каментары