У пачатку праспекта Дзяржынскага пабудуюць вялізны комплекс для Мінюста ФОТА
Мяркуецца, што комплекс з некалькіх будынкаў размесціцца на ўчастку, які прымыкае да новай развязкі на 1-м кальцы — пр. Дзяржынскага, непадалёк ад гасцініцы «Рэнесанс». Перадпраектныя прапрацоўкі новых аб'ектаў разгледзелі на гарадскім архітэктурна-горадабудаўнічым савеце, паведамляюць «Мінск-Навіны».
На пазначанай тэрыторыі запланаваны корпус для аддзелаў прымусовага выканання Міністэрства юстыцыі, якія пакуль размяшчаюцца ў розных раёнах горада, падземны паркінг, спартыўны аб'ект, а таксама гаспадарчая зона з яшчэ адным невялікім будынкам, гаражом і крытай паркоўкай для канфіскаванага транспарту. У перспектыве на гэтую тэрыторыю можа перабрацца і само міністэрства, для чаго прадугледжана магчымасць будаўніцтва яшчэ аднаго корпуса.
Члены савета палічылі, што прапанаваны варыянт размяшчэння пабудоў і вобразнае рашэнне комплексу патрабуюць дапрацоўкі. Будынак Мінюста, па агульным меркаванні, павінна быць тут дамінуючым, найбольш прыкметным і яркім. Пакуль жа ён і па габарытах, і па вонкавым выглядзе саступае іншаму будынку. Таксама праекціроўшчыкам параілі стварыць на тэрыторыі невялікія рэкрэацыйныя зоны для работнікаў (тут могуць працаваць да 800 чалавек).
— Складаны ўчастак дастаўся для такога комплексу. Пакуль кампазіцыя выглядае выпадковай, ды і да архітэктуры ёсць прэтэнзіі, — гэтымі словамі аднаго з членаў савета было выказана агульнае меркаванне.
Праекціроўшчыкам рэкамендавалі дапрацаваць канцэпцыю і яшчэ раз прадставіць на архітэктурна-горадабудаўнічы савет.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення24
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары