У горадзе Ландсберг, размешчаным за 15 км ад Гале, дзе сёння быў здзейснены ўзброены напад на сінагогу, адбылася страляніна, паведамляе Bild. Інфармацыю пра гэта пацвердзіла паліцыя.
Па дадзеных Merkur, у Ландсбергу злачынцы, што збеглі з месца нападу на сінагогу ў Гале, напалі на таксіста і паспрабавалі адабраць у яго машыну. Кіроўца аказаў ім супраціў і быў паранены. Як піша Bild, паліцыя рэкамендавала жыхарам Ландсберга, як раней у Галле, не пакідаць свае дамы.
У твітары мясцовага ўпраўлення паліцыі гаворыцца, што пасля стральбы быў затрыманы адзін чалавек. Ведамства заклікае мясцовае насельніцтва захоўваць спакой і не паддавацца чуткам.
Frankfurter Allgemeine Zeitung са спасылкай на крыніцы ў сілавых структурах піша, што нападнікі маглі быць правымі радыкаламі. Прынамсі адзін з іх — немец.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары