У Латвіі мужчыну асудзілі за тое, што наеў у рэстаране на 120 еўра і не заплаціў
Рыжскі суд Відземскага прадмесця прызначыў два месяцы заключэння мужчыну, які пасля таго, як павячэраў стэйкам у рэстаране, а пасля збег, не заплаціўшы 121 еўра, піша Rus.TVNET.
Чалавек быў абвінавачаны ў махлярстве. Вечарам 15 снежня мінулага года ён у Старой Рызе зайшоў у адзін з рэстаранаў, які спецыялізуецца на гатаванні стэйкаў.
«Ведаючы, што ў яго няма грошай, мужчына з карыслівай мэтай замовіў ежу і напоі на 121 еўра», - напісана ў абвінавачванні.
Пасля атрымання замовы і ўласна паядання мужчына не заплаціў за паслугу і сышоў з рэстарана.
Паліцыя затрымала яго ў гэтым годзе, і пазней да яго ў якасці меры стрымання быў ужыты арышт. Тэрмін турэмнага зняволення ўключае час, праведзены пад вартай з 30 жніўня па 1 кастрычніка.
Таксама яму прыйдзецца заплаціць ўладальніку рэстарана кампенсацыю — 121 еўра.
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША65
Каментары