33-гадовая дысідэнтка з Салігорску зрабіла сабе смерць
пасля таго як яе засудзілі да 2,5 гадоў хіміі за лжывы данос.
пасля таго як яе засудзілі да 2,5 гадоў хіміі за лжывы данос.
Паводле Міхайлоўскай, яна казала, што не перажыве суду і заяўляла, што ня лічыць сябе вінаватай. Таму пасьля суду яна нават адмовілася пісаць касацыйную скаргу. Раіса Міхайлоўская агучыла гэтую навіну падчас выступу на Асамблеі няўрадавых арганізацыяў, якая праходзіць у Менску. Яе ўдзельнікі хвілінай маўчаньня ўшанавалі памяць Паляковай. Абвешчаны збор сродкаў на пахаваньне праваабаронцы.
Нагадаем, на гэтым тыдні суд Салігорскага раёну вынес прысуд па крымінальнай справе ў дачыненьні да 33-гадовай Яні Паляковай, якая абвінавачвалася па частцы 2 артыкулу 400 Крымінальнага кодэксу (заведама ілжывы данос). Прысуд: 2 гады 6 месяцаў абмежаваньня волі — так званай «хіміі». Акрамя таго, суд ацаніў маральную шкоду, нанесеную былому ўчастковаму Пугачову, у памеры 1 000 000 рублёў.
— Для Яні гэты прысуд быў шокам, — расказвае праваабаронца Валер Шчукін, які прысутнічаў у яе на судзе. — Я амаль цэлы дзень правёў у яе пасьля гэтага суду, яна паўтарала адно: «Я ня буду зэчкай». Помню, калі мяне пасадзілі першы раз, жонка саромелася ў горад выходзіць, ёй здавалася, што гэта ганьба.
Мусіць, так і ў Яні было. Толькі яна была вельмі эмацыйным чалавекам, і ня вытрывала.
* * *
Рэдакцыя «НН» смуткуе разам з сваякамі і землякамі Яні Паляковай. Вечная памяць!
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары