Пра гэта заявіў журналістам намеснік старшыні Палаты прадстаўнікоў Валерый Міцкевіч, паведамляе БЕЛТА.
Ён звярнуў увагу, што вялікая колькасць правапарушэнняў рэгіструецца на дарогах з дапамогай камер фотафіксацыі.
«Трэба вельмі сур'ёзна падумаць, якім чынам гарантаваць бяспеку на дарогах, каб менш здзяйснялася ДТЗ, але пры гэтым спрасціць працэдуру, узмацніць прафілактычны складнік. Напрыклад, не чакаць пакуль чалавек набярэ 10-20 парушэнняў.
Выехаў з Мінска і пры першым жа парушэнні (дзесьці праехаў на чырвонае або перавысіў хуткасць) атрымаў інфармацыю: «Паважаны кіроўца, вы парушылі Правілы дарожнага руху», - прывёў прыклад намеснік старшыні Палаты прадстаўнікоў.
Прыходзіць такія паведамленні могуць маментальна як з дапамогай мабільных дадаткаў, так і ў выглядзе СМС. Валерый Міцкевіч лічыць, што падобны падыход дысцыплінуе кіроўцаў, і ў паездцы яны будуць больш уважліва сачыць за дарогай.
«Цяпер гэта на ўзроўні прапановы, ідэі», - заўважыў ён.
Каментары