Юрый Гараўскі, які сцвярджае, што мае дачыненне да выкрадання і забойстваў вядомых беларускіх апазіцыйных палітыкаў, папрасіў палітычнага прытулку ў Швейцарыі. Пра гэта ён распавёў DW і заявіў, што не бачыць сэнсу далей хаваць сваё месцазнаходжанне.
— Адсочваючы маіх блізкіх, вылічыць мой нумар тэлефона не складае працы. А па кодзе можна даведацца, якая гэта краіна. Хутчэй за ўсё, гэта ўжо зрабілі, — упэўнены Гараўскі. Раней ён, нагадаем, не раскрываў сваё месцазнаходжанне.
Гараўскі кажа, што гатовы панесці пакаранне за ўдзел у забойствах экс-міністра ўнутраных спраў Беларусі Юрыя Захаранкі, экс-кіраўніка Цэнтрвыбаркама Віктара Ганчара і бізнэсмэна Анатоля Красоўскага. Аднак хоча, каб яго судзілі ў Еўропе, а не ў Беларусі.
Гараўскі прызнаецца, што, нават знаходзячыся ў Швейцарыі, баіцца за сваё жыццё.
— Пасля таго, як мы забілі гэтых людзей, я ўсе гэтыя гады баяўся, што нас пачнуць па адным альбо ліквідаваць, альбо саджаць. Я і цяпер не выключаю, што (з Беларусі) прыедуць мяне забіваць. Але ўсё-такі тут ёсць шанцы выжыць, — распавёў ён DW.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага9
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу100100
Каментары