Навука і тэхналогіі11

У Кітаі прэзентавалі першы ў свеце самаходны ўнітаз, які можа перамяшчацца па доме

Калі звычайныя робаты прывозяць ежу або прыбіраюць падлогу, то новая кітайская распрацоўка вырашыла больш далікатную задачу. Рабатызаваны ўнітаз самастойна перамяшчаецца па доме, рэагуе на галасавыя каманды і аўтаматычна ачышчаецца пасля выкарыстання.

Фота: ex.chinadaily.com.cn

Прылада, якую самі распрацоўшчыкі называюць першай у свеце самаходнай прыбіральняй, атрымала назву Xiaoban — гэта чытаецца «Сяабань», што можна перакласці як «Маленькі спадарожнік». Як піша Daily Mail, прэзентацыя навінкі адбылася ў пачатку чэрвеня на Шанхайскай міжнароднай выставе тавараў для пажылых людзей, дапаможных сродкаў і рэабілітацыйнай медыцыны.

Кіраваць робатам можна з дапамогай пульта дыстанцыйнага кіравання з вялікімі кнопкамі або галасавымі камандамі. Пры гэтым сістэма распазнавання голасу працуе ў аўтаномным рэжыме, таму карыстальнік не застанецца ў складанай сітуацыі, калі раптам знікне Wi-Fi.

Пасля атрымання каманды ўнітаз самастойна накіроўваецца да карыстальніка. Для навігацыі ён выкарыстоўвае лазерныя і ультрагукавыя чуйнікі, якія дазваляюць складаць карту памяшкання і абыходзіць перашкоды. Распрацоўшчыкі адзначаюць, што для гэтага не патрабуюцца камеры, што дапамагае захоўваць прыватнасць карыстальнікаў.

Фота: ex.chinadaily.com.cn

Пасля выкарыстання робат прапануе шэраг функцый, якія звычайна сустракаюцца ў сучасных японскіх і кітайскіх разумных прыбіральнях. Сярод іх падмыванне цёплай вадой, сушэнне паветрам і дэзінфекцыя ультрафіялетам.

Асобная ўвага нададзена барацьбе з пахамі. Прылада абсталяваная сістэмай нейтралізацыі пахаў з выкарыстаннем спецыяльнай пены і фільтра з актываваным вугалем.

Пасля завяршэння працэдур робат вяртаецца да сваёй док-станцыі. Яна падключаецца да хатняй каналізацыі, што дазваляе аўтаматычна выдаляць адходы. Калі ж па нейкай прычыне Xiaoban не можа дабрацца да станцыі, ён здольны самастойна апаражніць рэзервуар у звычайны ўнітаз. 

Пасля гэтага сістэма запускае аўтаматычную ачыстку. Для дэзінфекцыі выкарыстоўваюцца струмені вады пад ціскам і ўльтрафіялетавае выпраменьванне.

Стваральнікі Xiaoban сцвярджаюць, што галоўная задача распрацоўкі — палегчыць жыццё людзям, якія маюць патрэбу ў доглядзе, і знізіць нагрузку на работнікаў сацыяльнай сферы.

Аднак у сацыяльных сетках многія карыстальнікі ўспрынялі навінку з гумарам. Некаторыя пажартавалі, што галоўнымі кліентамі стануць не пенсіянеры, а аматары камп'ютарных гульняў, якія не хочуць адыходзіць ад экрана. Іншыя пачалі фантазіраваць пра выкарыстанне самаходнага ўнітаза ў якасці сродку перамяшчэння па доме.

У Кітаі Xiaoban ужо паступіў у продаж. Яго цана складае каля 29 тысяч юаняў, або прыкладна 4300 даляраў ЗША. Пакуль што прылада даступная толькі на кітайскім рынку: кампанія-вытворца пра планы вывесці самаходны ўнітаз на рынкі іншых краін пакуль не паведамляе.

Каментары1

  • сяа,бань
    25.06.2026
    можа нашаму падораць залаты Сяабань? хаця наўрад ці.. памятаючы, як каляну падарылі заштатны спартовы касцюм кітайскай зборнай

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць