Прэс-сакратар прэзідэнта РФ Дзмітрый Пяскоў заявіў, што змест публікацый расійскіх СМІ і тэлеграм-каналаў, у тым ліку і пра Беларусь, вызначаецца палітыкай іх рэдакцый, а не дзяржавай, піша ТАСС.
Такім чынам ён пракаментаваў словы Аляксандра Лукашэнкі, які ў размове сам-насам з прэзідэнтам Расіі Уладзімірам Пуціным раскрытыкаваў расійскія СМІ за недружалюбныя нататкі.
«Я не магу вам сказаць, пра што ішла гаворка падчас размовы ў фармаце «сам-насам» прэзідэнтаў Расіі і Беларусі», — сказаў Пяскоў, адказваючы на пытанне, што адказаў расійскі бок на прэтэнзіі Лукашэнкі.
«Што тычыцца расійскіх СМІ, то расійскія СМІ — гэта свабодныя сродкі масавай інфармацыі, і ўсё гэта пытанні іх рэдакцыйнай палітыкі», — падкрэсліў ён.
Нагадаем, што ўчора Аляксандр Лукашэнка расказаў, што нядаўна папрасіў прэс-сакратара, каб яму падрыхтавалі падборку апошніх публікацый у расійскіх СМІ — буйных, дробных, тэлеграм-каналах. «За якімі стаяць канкрэтныя людзі, якія ва ўладзе. Бо калі я вяду размову (не толькі мы пра нафту, газ гаворым, атамную станцыю, грошы), то я ўвесь час размаўляю па пытаннях СМІ, — расказаў кіраўнік краіны. — Гэта сёння вельмі важна для нашага грамадства, у тым ліку і для расійскага. Мы тут сваё грамадства абаронім. Але мы ж сёння гандлюем з Расійскай Федэрацыяй. І што значыць інфармацыя наконт, дапусцім, нейкага няякаснага тавару з Беларусі, асабліва прадуктаў. Людзей гэта насцярожвае».
Лукашэнка адзначыў, што абмяркоўваў гэтае пытанне з расійскім прэзідэнтам: «Ён кажа: ты ведаеш, краіна вялікая… Вось і ў апошні раз з Мядзведзевым, Пуціным утрох мы сустракаліся, закранулі гэтыя тэмы. Кажа: гэта не мы. Кажу: як гэта «не мы», калі за гэтым каналам стаіць вось такі і такі чалавек? І называю прозвішчы вядомыя, якія нас люта ненавідзяць альбо за грошы нешта пачынаюць у наш адрас скажаць».
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА55
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары