Медыкі будуць правяраць грамадзян, якія прыбываюць з Паўднёвай Карэі, Ірана і Італіі
У Беларусі з-за пагаршэння эпідэмічнай абстаноўкі ў Іране, Італіі і Паўднёвай Карэі будуць праводзіць абследаванні і лабараторную дыягностыку ўсіх грамадзян, прыбыўшых з гэтых краін у перыяд з 20 лютага, паведамляе Міністэрства аховы здароўя.
Там адзначылі, што геаграфія захворвання каранавірусам пашырылася да 49 краін.
— Колькасць беларускіх і замежных грамадзян, якіх неабходна абследаваць і шпіталізаваць, павялічваецца. Таму прынята рашэнне грамадзян з сімптомамі рэспіраторных захворванняў размяшчаць не толькі ў карпусах Мінскай інфекцыйнай бальніцы, але і ў тэрапеўтычным корпусе Мінскай клінічнай бальніцы №6, а таксама ў некаторых абласных установах аховы здароўя, — распавялі ў Міністэрстве аховы здароўя.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары