Распрацоўваецца графік, па якім ён верне ўсё ў «досыць кароткі час», паведаміў міністр Уладзімір Навумаў. «Ва ўмовах лібералізацыі эканомікі прадугледжваем і тое, што мы ў нейкай меры, калі было ўчынена не цяжкае эканамічнае злачынства і яно не з’яўляецца карупцыйным, не будзем занадта ўнікаць у гэтыя грошы».
Гендырэктар гандлёвага дома «Ждановічы» Яўген Шыгалаў часткова пакрыў дзяржаве нанесеную шкоду.
Распрацоўваецца графік, па якім ён верне ўсё ў «досыць кароткі час», паведаміў журналістам 27 сакавіка міністр унутраных спраў Уладзімір Навумаў.
Я.Шыгалаў павінен пакрыць дзяржаве ўрон у памеры 85 млрд. рублёў. Асноўным эпізодам, што ставіцца ў віну бізнесмену, з’яўляецца нямэтавае выкарыстанне зямель і захоп зямель.
«Зямля была захоплена самавольна, але цяпер так склалася, што там працуе вялікая колькасць людзей. Таму мы
ўносім прапанову ўзаконіць гэтыя землі,пакрыць шкоду», — сказаў У.Навумаў.
Адказваючы на пытанне, ці адсочвае МУС паходжанне грошай, якія накіроўваюцца на пакрыццё шкоды, міністр зазначыў: «Ва ўмовах лібералізацыі эканомікі прадугледжваем і тое, што мы ў нейкай меры, калі было ўчынена не цяжкае эканамічнае злачынства і яно не з’яўляецца карупцыйным, не будзем занадта ўнікаць у гэтыя грошы».
Я.Шыгалаў быў затрыманы ў Мінску 5 красавіка 2008 года. 15 красавіка яму было прад’яўлена абвінавачанне ва ўчыненні злачынстваў, прадугледжаных ч. 4 арт. 16 КК (саўдзел у злачынстве) і ч. 3 арт. 424 КК (злоўжыванне ўладай або службовымі паўнамоцтвамі). 26 чэрвеня ён быў вызвалены з‑пад варты пад залог у 10 млрд. рублёў.
У ліпені Я.Шыгалаў выязджаў на лячэнне ў Лондан. Апошнія некалькі тыдняў перад вызваленнем пад залог ён знаходзіўся пад кругласутачнай вартай у Рэспубліканскім навукова‑практычным цэнтры «Кардыялогія», дзе праходзіў курс лячэння. Яшчэ да арышту Я.Шыгалаў двойчы перанёс інфаркт міякарду і быў прааперыраваны.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары