1 мая Беларусбанк прыпыніў выдачу крэдытаў на куплю жылля на другасным рынку. Акрамя гэтага, цяпер банк часова не прымае заяўкі на выдачу яшчэ некаторых крэдытаў, у тым ліку на рэфінансаванне і на куплю аўто, паведамляе Tut.by.
У прыватнасці, з 1 мая прыпыніла прыём заявак на крэдыт на рэфінансаванне «Удалае абнаўленне», на набыццё новых аўтамабіляў (акрамя крэдытаў на машыны Geely ў рамках праграмы з СЗАТ «БелДжы»), а таксама спажывецкага крэдыту з выкарыстаннем крэдытнай карткі ў межах заключаных дагавораў аб супрацоўніцтве з арганізацыямі гандлю і сэрвісу.
— Банк інфармуе сваіх кліентаў, што ўсе заяўкі на крэдыт, якія паступілі да 1 мая 2020, будуць разгледжаны ва ўстаноўленым парадку на ранейшых умовах, — дадаюць у Беларусбанку.
Гэта тычыцца як крэдытаў на куплю жылля на другасным рынку, так і на куплю новых аўто і на рэфінансаванне.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА35
Каментары