Пагоня людзей у амуніцыі за хлопцам у Мінску трапіла на ВІДЭА. Яна стала прычынай аварыі
Чытач расказаў Onlíner, што стаў відавочцам дзіўнай сітуацыі на Лагойскім тракце ў Мінску. Напярэймы патоку, які рухаўся на хуткасці, літаральна пад колы аўтамабіляў выбег чалавек. За ім на дарогу выскачылі людзі ў амуніцыі.
Вадзіцелі сталі тармазіць, і гэта прывяло да спадарожнага сутыкнення двух аўто.
Чалавек пабег далей, у бок парка. Яго пераследвалі людзі ў амуніцыі.
Інцыдэнт адбыўся 9 жніўня каля 17:40 у раёне скрыжавання Лагойскага тракта і вуліцы Гамарніка. Хто ўцякаў і чаму яго даганялі, пакуль невядома. Гэтыя людзі накіраваліся ў бок дыспетчарскай станцыі трамваяў і Полацкага парка.
А вось з абставінамі ДТЗ усё зразумела па відэа: вадзіцель Volvo ўбачыў пешахода і ўжыў экстраннае тармажэнне, каб яго не збіць. Атрымалася, і гэта само па сабе можна лічыць цудоўным выратаваннем.
Кіроўца, які рухаўся за Volvo (ці то Geely, ці то Belgee) таксама тармазіў, але сутыкнення двух аўто пазбегнуць не ўдалося. Зрэшты, удар не выглядаў такім ужо моцным.
— Я не ўбачыў, ці дагналі таго чалавека. Вядома, вельмі цікава, чым усё скончылася, — распавёў відавочца. — А кіроўцу я пераслаў запіс з рэгістратара.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца3
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары