Улады Брэста заклікалі абмежаваць кантакты, не выязджаць з горада, мінімізаваць перамяшчэнні: больш за 100 пнеўманій штодзень
«Эпідэміялагічная сітуацыя па COVID-19 (каранавіруснай інфекцыі) у Брэсце напружаная. У горадзе адзначаецца пік захворвання», — паведамляе Брэсцкі занальны цэнтр гігіены і эпідэміялогіі.
Штодня з пнеўманіяй шпіталізуюцца больш за 100 гараджан, адзначаецца ў паведамленні. — На гарадскім узроўні медыцынская дапамога хворым на пнеўманію аказваецца ў Цэнтральнай гарадской бальніцы і Брэсцкай бальніцы №1. Месцаў для шпіталізацыі дастаткова.
Разам з тым, паводле санітарна-эпідэміялагічнай службы горада, нягледзячы на інфармаванне ў СМІ, стаўленне часткі насельніцтва да прафілактычных мер недастаткова сур'ёзнае. Так, нават у крамах і ў грамадскім транспарце толькі частка людзей выкарыстоўваюць маскі.
Брэсцкі гарвыканкам і Брэсцкі занальны цэнтр гігіены і эпідэміялогіі настойліва рэкамендуюць насельніцтву Брэста абмежаваць наведванне месцаў масавага збору людзей, хаджэнне ў госці, не выязджаць у іншыя рэгіёны, звесці да мінімуму адхіленні ад жыццёва неабходных маршрутаў: на працу і назад, у краму і, пры неабходнасці, у аптэку.
Пры наведванні крамаў, гандлёвых цэнтраў, аптэк і іншых месцаў збору людзей выкарыстоўваць маскі, выконваць сацыяльнае дыстанцыяванне ў 1,5 м адно ад аднаго, карыстацца антысептыкамі, абавязкова выкарыстоўваць маскі ў грамадскім транспарце.
Пнеўманія развіваецца прыкладна ў 15% заражаных каранавірусам. Па колькасці пнеўманій можна вызначыць ступень распаўсюджвання інфекцыі.
Першымі «чырвонымі зонамі» па каранавірусе ў Беларусі былі Мінск і Віцебск. Пры адсутнасці каранцінных абмежаванняў каранавірус распаўсюдзіўся на іншыя рэгіёны краіны.
Наколькі можна меркаваць па тых звестках з месцаў, якія прыходзяць у «Нашу Ніву», у апошнія тыдні сітуацыя драматычна абвастрылася ў Брэсцкай, Гомельскай, Гродзенскай абласцях.
У Брэсцкай вобласці першай плямай стаў Лунінец. Пасля стала вядома пра рост колькасці заражэнняў у Баранавічах і Пінску.
Поўная статыстыка захворвання на пнеўманіі і смерцяў ад іх у Беларусі не публікуецца з вясны. Міністэрства аховы здароўя не адказвала на пытанні журналістаў з 17 красавіка.
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары