У КДБ і ЦВК не прынялі 31 тысячу подпісаў за вылучэнне Бабарыкі ў прэзідэнты
Сябры ініцыятыўнай групы Віктара Бабарыкі спрабавалі перадаць у Камітэт дзяржаўнай бясьпекі 31 тысячу подпісаў за вылучэньне Бабарыкі ў прэзыдэнты, паведамляе Свабода.
Гэта подпісы з тых раёнаў, дзе штаб ня меў каардынатараў. Па законе падаць такія дакумэнты маюць права сам Віктар Бабарыка ці кіраўнік штабу — ягоны сын Эдуард.
Паколькі Віктар і Эдуард учора былі затрыманыя, цяпер ніхто ня можа падаць частку подпісаў у раённыя выбарчыя камісіі. Паводле апошняй інфармацыі, абодва яны ў СІЗА КДБ.
«Меркавалася, што нам удасца перадаць падпісныя аркушы Віктару ці Эдуарду ў СІЗА КДБ, каб яны іх падалі сёньня. Можа, пры канваяваваньні ці яшчэ нейкім чынам», — сказалі Свабодзе ў штабе Віктара Бабарыкі.
Але ў прыёмнай КДБ сябрам ініцыятыўнай групы адмовілі, патлумачыўшы, што гэта не кампэтэнцыя органаў дзяржаўнай бясьпекі.
Пазьней усе гэтыя подпісы адвезьлі ў ЦВК.
Там подпісы таксама не прынялі.
«Цэнтральная выбарчая камісія падпісныя аркушы не прымае», — дала пісьмовы адказ Лідзія Ярмошына.
У штабе Віктара Бабарыкі сказалі, што ў такім разе падпісныя аркушы з 31 тысячай подпісаў застануцца «на памяць».
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары