Трамп абвясціў пра вывад заблакаваных у Армузскім праліве замежных суднаў
Высокапастаўлены іранскі чыноўнік у адказ заявіў, што Тэгеран будзе разглядаць любую спробу ЗША ўмяшацца ў сітуацыю ў Армузскім праліве як парушэнне рэжыму спынення агню.
У допісе ў сацсетцы Truth Social амерыканскі прэзідэнт заявіў, што «краіны з усяго свету» звярнуліся да ЗША «з просьбай дапамагчы вызваліць іх судны ў Армузскім праліве», піша Бі-бі-сі.
У адказ Вашынгтон паабяцаў, што будзе суправаджаць судны з гэтых краін і «бяспечна выведзе іх з гэтых абмежаваных вод, каб яны маглі свабодна і эфектыўна працягваць сваю дзейнасць».
Аперацыя пад назвай Project Freedom пачнецца ў панядзелак раніцай па блізкаўсходнім часе, удакладніў кіраўнік Белага дома.
Ён дадаў, што гэта — гуманітарны жэст з боку ЗША і краін Блізкага Усходу, «але асабліва — Ірана».
«Мае прадстаўнікі вядуць вельмі пазітыўныя перамовы з Іранам, і гэтыя абмеркаванні могуць прывесці да чагосьці вельмі станоўчага для ўсіх», — таксама гаворыцца ў допісе Трампа.
Неўзабаве пасля гэтага высокапастаўлены іранскі чыноўнік заявіў, што Тэгеран будзе разглядаць любую спробу ЗША ўмяшацца ў сітуацыю ў Армузскім праліве як парушэнне рэжыму спынення агню.
«Любое амерыканскае ўмяшанне ў новы марскі рэжым Армузскага праліва будзе разглядацца як парушэнне перамір’я», — напісаў у X Ібрахім Азізі, кіраўнік камісіі нацыянальнай бяспекі ў парламенце Ірана.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх16
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары