У Віцебску затрымалі педафіла, які здымаў дзіцячае порна, завабліваючы дзяўчат праз сацсеткі
Дваццацігадовага педафіла, які амаль год здымаў дзіцячае порна з удзелам дзяўчынак з розных куткоў Беларусі, затрымалі ў Віцебску, піша news.vitebsk.cc.
Паводле інфармацыі аддзела па супрацьдзеянні гандлю людзьмі Кастрычніцкага РАУС Віцебска, малады чалавек, раней судзімы за абарот наркотыкаў, з дапамогай грумінгу завабліваў у свае сеткі непаўналетніх дзяўчат, здзяйсняў з імі дзеянні сэксуальнага характару і здымаў дзіцячае порна.
Так, ад чэрвеня мінулага года да сёлетняга красавіка хлопец рэгулярна сустракаўся і займаўся сэксам з пятнаццацігадовай віцяблянкай. У гэты ж час ён у сацсетках актыўна перапісваўся з юнымі дзяўчатамі з розных рэгіёнаў краіны, зачароўваў іх і ненавязліва прапаноўваў сэкс.
Міліцыя лічыць, што так званымі грумінгавымі дзеяннямі дваццацігадовы віцяблянін схіляў дзяцей да інтымнай блізкасці.
Пасля экспертызы канфіскаваных у хлопца смартфона і камп'ютара было выяўлена, што ён здзяйсняў распусныя дзеянні ў дачыненні да малалетніх, а акрамя таго вырабляў і пашыраў порнаграфічныя матэрыялы з удзелам непаўналетніх дзяўчат.
У выніку Следчы камітэт распачаў у дачыненні да маладога жыхара Віцебска крымінальныя справы за злачынствы супраць палавой недатыкальнасці або палавой свабоды непаўналетніх і за зварот дзіцячай парнаграфіі, паведамляе прэс-служба МУС.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся3
Каментары