Музыка3939

Топ-10 самых папулярных песень у Беларусі за апошнія гады: у рэйтынгу толькі расійскія выканаўцы — Z-нікі і «маўчуны»

Сэрвіс «Яндэкс Плюс» апублікаваў спіс самых папулярных трэкаў сярод беларускіх карыстальнікаў. У дзясятку лідараў увайшлі выключна прадстаўнікі расійскага шоу-бізнесу.

Спявак XOLIDAYBOY. 

Да свайго сямігоддзя ў Беларусі сэрвіс «Яндэкс Плюс» склаў плэйліст з кампазіцый, якія карыстальнікі краіны слухалі часцей за ўсё. У выніковы спіс не трапіў ніводны беларускі або заходні выканаўца:

  1. «Пожары» — XOLIDAYBOY
  2. «Поезда» — Жэня Трафімаў
  3. «По барам» — ANNA ASTI
  4. «Шелк» — Ваня Дзмітрыенка
  5. «Царица» — ANNA ASTI
  6. «Кукла колдуна» — «Король и Шут»
  7. «Худи» — Джыган
  8. «Асфальт» — Jakone
  9. «Самолеты» — Жэня Трафімаў
  10. «Rain and Thunder» — White Noise

Частка фігурантаў рэйтынгу адкрыта падтрымлівае ўварванне Расіі ва Украіну. Аўтар самага папулярнага трэка XOLIDAYBOY (Іван Мінаеў) першапачаткова не каментаваў вайну, аднак пасля скаргаў праўладных актывістаў у Расіі, адмены канцэртаў і атрымання позвы ў ваенкамат запісаў відэазварот. У ім ён заявіў пра падтрымку Уладзіміра Пуціна і баявых дзеянняў. Жэня Трафімаў таксама выказваў падтрымку расійскаму дзяржаўнаму курсу ў сваіх сацыяльных сетках. Рэпер Джыган (Дзяніс Усціменка), які нарадзіўся ў Адэсе, увесну 2024 года прадэманстраваў атрыманы расійскі пашпарт на выбарах прэзідэнта Расіі, за што быў унесены ў санкцыйныя спісы Украіны.

Іншыя выканаўцы пазбягаюць заяў на тэму ваенных дзеянняў. Спявачка ANNA ASTI (Ганна Дзюба) сустрэла пачатак вайны ва ўкраінскіх Чаркасах, аднак пазней вярнулася ў Расію, атрымала расійскае грамадзянства і працягвае выступаць на дзяржаўных тэлеканалах. З-за гэтага яна ўнесена ва ўкраінскую базу «Міратворац». Ваня Дзмітрыенка і рэпер Jakone таксама ігнаруюць палітычную павестку, працягваючы гастрольную дзейнасць у Расіі.

Толькі сярод былых удзельнікаў гурта «Король и Шут» адбыўся палітычны раскол. Калі Андрэй Князеў (КняZz) пазбягае выказванняў пра вайну і працягвае выступаць у Расіі з настальгічнымі праектамі, то эмігрант Аляксандр Балуноў (Балу) адкрыта асудзіў агрэсію, за што атрымаў у Расіі адміністрацыйную справу за «дыскрэдытацыю арміі».

Дзясятае месца ў рэйтынгу займае не музычны твор, а трэк «Rain and Thunder» ад праекта White Noise. Гэта запіс белага шуму з гукамі дажджу і навальніцы, які выкарыстоўваецца для сну і рэлаксацыі. Свайго роду музычны эскапізм ад навакольнага свету.

«Наша Нiва» — бастыён беларушчыны

ПАДТРЫМАЦЬ

Каментары39

  • Янка
    16.08.2026
    Адміністрацыя генеральнага камісара акругі "Беларусь" і гаўляйтара Вільгельма Кубэ аб'явіла рэйтынг папулярных песень 1943 года...
  • 764
    16.08.2026
    Потому что нормальные люди этой фсбэшной фигнёй не пользуются, это приложение для ватников, ябатек и явнеполитики. Поэтому и вкусы пользователей соответствующие
  • Так себе
    16.08.2026
    Выбар холідэй нічога але яндэкс гэта зашквар.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць