Свежыя фота абмялелай Прыпяці ў Мазыры, якія выклаў мясцовы блогер Лёша Астапенка, шакавалі карыстальнікаў. Як заўважыў «Флагшток» на здымках ад 16 жніўня, на некаторых участках замест вады ў рэчышчы ракі — голы пясок, па якім ходзяць пешшу.
«Флагшток» публікаваў здымкі са спадарожніка, на якіх бачна, што пойма Прыпяці ўсяго за год ператварылася ў «пустыню», і распавядаў, што падзенне ўзроўню вады ў Прыпяці крытычнае, але пакуль не рэкорднае. Узровень вады яшчэ не дасягнуў абсалютнага мінімуму, які быў зафіксаваны ў верасні 2015 года.
Паводле даных на раніцу 17 жніўня, на гідрапосце ў Мазыры ўзровень вады ў Прыпяці дасягнуў адзнакі мінус 7 сантыметраў над нулявой графой. У апошнія дні падзенне ўзроўню запаволілася.
Аднак у каментарах да актуальных здымкаў мясцовыя жыхары адзначаюць, што такога абмялення ракі ў Мазыры не назіралі нават у рэкордным 2015 годзе.
Каментары