Беларусы накідалі зорцы «Універа» за паводзіны ў Мінску — а той бадай і не зразумеў за што
Стас Ярушын з серыяла «Універ» часта бывае ў Мінску, таму што працуе настаўнікам у тэлешоу «Фактор.by». У падарожжах расіянін не забывае трэніравацца, праз што і трапіў нядаўна пад хейт беларусаў — і добра, калі абышлося без штрафу.
Ярушын апублікаваў у трэдсах фота з прабежкі ў Мінску. Да фота ён пакінуў такі подпіс:
«Мінск. Парк. Спорт. 3 км».
На здымку бачна, што Ярушын бяжыць не па сцежцы для пешаходаў, а па веладарожцы — хоць і тая, і другая абсалютна пустыя. Беларусы асудзілі такое парушэнне правілаў. Не дзіва, што Стас атрымаў багата незадаволеных каментароў.
Некаторыя з іх, аднак, былі стрыманыя:
«Стас, там на веласіпедах ездзяць, бяжы побач. У нас так не прынята».
«У нас па веладарожках не ходзяць і не бегаюць».
«Калі на скрыжаванні ў цемры спынішся, абавязкова ідзі на зялёнае, нават калі машын няма, у нас так не прынята».
Але шмат каго прабежка Ярушына па веладарожцы абурыла:
«Гэта табе не Масква, з'я*аў з веладарожкі».
«Цяпер бы ляшча за бег па веладарожцы».
«Ён бы яшчэ па трамвайных шляхах бегаў… Адкуль яны вылазяць?»
Некаторыя беларусы скарысталіся пастом Ярушына, каб выказаць усе эмоцыі датычна расіян, якія часам парушаюць правілы дарожнага руху ў нашай краіне:
«Я проста не магу зразумець, чаму расіяне вось проста вельмі імкнуцца ў Беларусі зрабіць не так, як належыць. Гэта наша краіна, вы ў гасцях. Няма сіл!
Мы не шумім, не кідаем смецце, не ездзім па тратуарах, не ходзім па веладарожках, не крычым па тэлефонах у грамадскіх месцах і шмат чаго яшчэ. Чаму так складана проста трымацца межаў прыстойнасці?»
Справа не толькі ў абурэнні каментатараў, бо Ярушын яшчэ і парушыў беларускія правілы дарожнага руху. Паводле пункта 17.1 правілаў, пешаход абавязаны рухацца па ходніках або пешаходнай сцежцы, і толькі калі іх няма, то па веладарожцы.
Таму за такія прабежкі магчыма атрымаць штраф ад 1 да 3 базавых велічынь — ад 45 да 135 рублёў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец76
Каментары
Той выпадак, калі прага выглядаць у каментах правільнымі дайшла да таксічнасці.
Вядома ж, з улікам шчыльнасці руху і саступаючы сваечасова дарогу сустрэчным роварам.
[Зрэдагавана]