Актывісты грамадзянскай кампаніі «Еўрапейская Беларусь», затрыманыя ў Брэсце вечарам 16 красавіка падчас акцыі салідарнасці з палітзняволенымі, змешчаны ў ІЧУ.Пра гэта паведаміў БелаПАН праваабаронца Раман Кісляк.
16 красавіка ў 20.40 пяць маладых людзей прыйшлі на галоўную плошчу горада да помніка Леніну. Яны трымалі расцяжку «Свабоду палітзняволеным!» і сцяг кампаніі.
Праз некалькі хвілін да іх падышлі супрацоўнікі міліцыі і запатрабавалі пакінуць плошчу. Пасля адмовы выканаць гэтае патрабаванне актывістаў апазіцыі затрымалі і ў 21.00 даставілі ў Ленінскі РАУС. Там іх абшукалі, знялі на відэа, склалі ў дачыненні да іх пратаколы на падставе ч. 1 арт. 23.34 КоАП (парушэнне ўстаноўленага парадку правядзення масавых мерапрыемстваў).
«Пасля гэтага затрыманыя — Уладзімір Шэлег, Яўген Скрабец, Іларыён Касянчук, Наталля Гагалюк і Кацярына Ішчык — былі змешчаны ў ізалятар часовага ўтрымання.Як мяркуецца, суд разгледзіць матэрыялы адміністрацыйных спраў сёння, 17 красавіка», — дапоўніў Р.Кісляк.
Вечарам 16 красавіка ў Брэсце непадалёк ад гандлёвага цэнтра «Юбілейны» былі таксама затрыманы шэсць удзельнікаў акцыі салідарнасці, якую праводзілі актывісты міжнароднага грамадскага аб’яднання «Малады фронт» (Чэхія). Іх адпусцілі без складання пратаколаў.
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары