У цэнтры Мінска сёння было шмат дэсантнікаў. Дзень ПДВ традыцыйна адзначаюць 2 жніўня, але сёлета асноўныя гулянні ў сталіцы зладзілі на дзень раней. З надвор'ем пашанцавала: яно выдалася сонечным. Фатограф tut.by паглядзеў, як гэта было.
2 жніўня ў Беларусі адзначаць 90-годдзе паветрана-дэсантных войскаў. У Мінску асноўныя гулянні прайшлі 1 жніўня з 10.00 да 14.00. Асноўнай пляцоўкай стаў праспект Пераможцаў, ля Палаца спорту. На выступы вайскоўцаў прыйшло нямала мінчукоў, многія былі з дзецьмі.
Вайскоўцы дэсантаваліся з верталёта на зямлю і ў Свіслач, паказалі трэніроўкі па рукапашным баі і баявыя эпізоды.
Самым відовішчным быў, напэўна, «вальс машын на вадзе». БТР ужо другі раз выйшлі ў Свіслач, у першы раз мінчукі бачылі такую карціну тыдзень таму, падчас рэпетыцыі вайскоўцаў.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)