Ждановічы, Стайкі, Заслаўе Мінскага раёна: Агромны паток людзей на ўчастках, ад 15 да 30% з белымі стужкамі ў першай палове дня
Карэспандэнты «Нашай Нівы» пабывалі на ўчастках у Ждановічах і Стайках Мінскага раёна. Агромны паток людзей на ўчастках, ад 15 да 30 % з белымі стужкамі ў першай палове дня.
Назіральнікі ў Стайках налічылі зранку стужкі ў 26 са 175 выбарцаў, якія прайшлі міма іх.
У Ждановічах стужкі былі ў 31 выбарца са 100 падчас прысутнасці карэспандэнта НН.
Мінскі раён, Заслаўе, 45 участак, чарга чалавек 20. Назіральнікі, якія сядзяць на вуліцы, кажуць, што іх не запусцілі, нават з акрэдытацыяй, спадзяюцца, што на падлік дапусцяць. 815 прайшло людзей за сёння, з іх амаль 200 з лентамі. (на 13:36).
Нагадаем, што Святлана Ціханоўская заклікала сваіх прыхільнікаў галасаваць у другой палове дня. Частка яе прыхільнікаў у знак салідарнасці адзяваюць на руку белыя стужкі.
А гэта кадр з мінскага метро, абед:
Каментары