У ліку назіральнікаў, затрыманых на ўчастках, — супрацоўнік «Нашай Нівы» Аляксандр Пашкевіч
У ліку назіральнікаў, затрыманых на ўчастках, — кандыдат гістарычных навук, супрацоўнік «Нашай Нівы», найінтэлігентнейшы чалавек Аляксандр Пашкевіч.
Ён як журналіст прысутнічаў на ўчастку для галасавання №103 у школе № 99 Мінска на вуліцы Берута, 13.
Апошняе паведамленне ад Алеся Пашкевіча прыйшло ў нядзелю а 20.17: «Яўна хочуць прыбраць». Больш на сувязь ён не выходзіў, на тэлефанаванні не адказваў.
Родныя і мы не маглі яго знайсці да вечара панядзелка, калі нам далі адказ, што ён знаходзіцца ў ЦІПе. Заўтра яго маюць судзіць за «хуліганства», паведамілі нам у МУС. Нібыта ён «чапляўся да людзей».
Кожнаму, хто ведае Алеся, выдатнага беларускага гісторыка сучаснасці, ясна, што гэта нахабная мана.
Толькі аднаму з карэспандэнтаў НН дазволілі прысутнічаць на падліку галасоў, усе астатнія былі выдаленыя з участкаў. Што характэрна, на тых самых участках былі не дапушчаныя да назірання за падлікам галасоў і незалежныя назіральнікі.
На адзіным участку, дзе карэспандэнт Нашай Нівы прысутнічаў на падліку, а камісія дзейнічала празрыста — гэта ўчастак нумар 26 у Копішчы пад Мінскам — Ціханоўская набрала 2341, Лукашэнка — 132 галасы.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары