Пра гэта гаворыцца ў заяве вярхоўнага прадстаўніка ЕС па замежных справах і палітыцы бяспекі Жазэпа Барэля.
«Еўрапейскі саюз катэгарычна асуджае тое, што выглядае як замах на жыццё Аляксея Навальнага. Неабходна, каб расійскія ўлады ініцыявалі без затрымкі незалежнае і транспарэнтнае расследаванне», — гаворыцца ў дакуменце.
Барэль лічыць, што «расійскі народ, таксама як міжнародная супольнасць, патрабуе фактаў аб атручэнні Навальнага». «Усе адказныя за гэта павінны панесці пакаранне», — падсумаваў кіраўнік еўрапейскай дыпламатыі.
Расійскі апазіцыйны палітык і блогер Аляксей Навальны быў шпіталізаваны 20 жніўня ў Омску з прыкметамі атручэння, яму стала блага ў самалёце. Ён знаходзіўся ў стане комы і быў падлучаны да апарата ШВЛ. У суботу Навальнага даставілі ў Берлін і змясцілі ў клініку Charite.
У панядзелак нямецкія медыкі заявілі, што ў яго арганізме знойдзеныя сляды інтаксікацыі. Раней у Омску іх чамусьці не выявілі. Пагрозы жыццю Навальнага няма, кажуць нямецкія дактары, але не выключаныя доўгатэрміновыя наступствы для нервовай сістэмы.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях12
Каментары