З прэзідэнцкага спортклуба сышла памочніца Дзмітрыя Лукашэнкі. Яна асуджае гвалт пасля выбараў
![](http://nnexpictures.fra1.digitaloceanspaces.com/img/w732d4webp1/photos/z_2020_09/kseniya_valakhanovich_yerch_tutby_phsl_yyd_6380-o2rib.jpg.webp)
Ксенія Валахановіч (Голуб) да нядаўняга часу была памочніцай Дзмітрыя Лукашэнкі, кіраўніка Прэзідэнцкага спартыўнага клуба. Як стала вядома TUT.BY, яна больш не працуе на гэтай пасадзе.
Што Ксенія — больш не памочнік Дзмітрыя Лукашэнкі, пацвердзілі ў прэзідэнцкім спортклубе.
— Яна тут не працуе, — сказалі праз стацыянарны тэлефон спортклуба і параілі звязвацца з ужо былым памочнікам па яе асабістым нумары.
Сама Ксенія гаварыць на гэтую тэму адмаўляецца. «Я не даю каментароў з гэтай нагоды», — коратка адказала яна.
Калі яна сышла са сваёй пасады, на якой прапрацавала не адзін год, а таксама па якой прычыне — невядома.
Мяркуючы па яе адкрытай старонцы ў Facebook, пасля 9 жніўня Ксенія актыўна асуджае гвалт у краіне пасля выбараў. Вядома, што на адной з мірных пратэсных акцый быў жорстка затрыманы яе 66-гадовы бацька. Ксенія — вядомая дзіцячая паэтка — на сваёй старонцы пасля выбараў апублікавала таксама некалькі вершаў на тэму бягучай сітуацыі ў Беларусі.
Каментары