Польшча: Суседзі Беларусі змогуць самі ўвесці санкцыі, калі іх не прыме ЕС
Суседнія з Беларуссю краіны ЕС могуць разгледзець пытанне аб увядзенні ўласных санкцый у дачыненні да гэтай краіны, калі Еўрапейскі саюз не прыме агульныя санкцыйныя меры. Пра гэта заявіў у панядзелак у Будапешце кіраўнік МЗС Польшчы Збігнеў Раў, піша ТАСС.
«Калі не дойдзе да ўвядзення санкцый, накіраваных на адрас асобных дзеячаў беларускай дзяржавы, то краіны нашага рэгіёна, я маю на ўвазе суседзяў Беларусі, якія ўваходзяць у ЕС, разгледзяць увядзенне нацыянальных санкцый», — цытуе словы міністра Польскае агенцтва друку.
Разам з тым Раў выказаў надзею, што агульныя еўрапейскія санкцыі ў дачыненні да асобных прадстаўнікоў улад Беларусі ўсё ж будуць прынятыя. «Спадзяемся, што кансэнсус па гэтым пытанні будзе дасягнуты [на саміце ЕС]», — дадаў ён.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары