Міхаіл Гуцэрыеў пабудаваў у Шаршунах храм у візантыйскім стылі і атрымаў за гэта ордэн Кірылы Тураўскага
У аграгарадку Шаршуны пад Радашковічамі ўрачыста адкрылі новы праваслаўны храм. Мецэнатам выступіў расійскі мільярдэр Міхаіл Гуцэрыеў. У цырымоніі прынялі ўдзел Аляксандр Лукашэнка і мітрапаліт Веньямін.
«Тут недалёка, праз паўтара кіламетра, быў храм, які знеслі бальшавікі ў 1919 годзе, — расказаў Міхаіл Гуцэрыеў, паведамляе «Звязда». — Ёсць і знакавае месца, праз 50—100 метраў — магіла танкістаў. Чатыры маладыя чалавекі загінулі ў 1944 годзе падчас вызвалення Беларусі. Яны згарэлі ў танку. І мне падалося правільным, калі б храм з’явіўся насупраць іх магілы. Непадалёк адсюль знаходзіцца і школа. Кожную раніцу дзеці будуць ісці міма царквы. Гэта і былі асноўныя параметры выбара месца. Магчыма, больш мэтазгодна было б пабудаваць яе на ўзгорку, гэта было б прыгажэй, але мне падаецца, што так, як зроблена, — больш правільна».
Мітрапаліт Веніямін уручыў Гуцэрыеву ордэн Кірылы Тураўскага I ступені.
Каментары