27-гадовы Мікіта Ігнацюк у нядзелю сфатаграфаваўся з гідрантам, які пратэстоўцы выцягнулі з вадамёта.
Фота хутка разыйшлося па сацсетках — на здымках твар Мікіты замазвалі, але ў той жа дзень хлопца ўсё ж затрымалі. Ён сцвярджаў, што толькі сфатаграфаваўся з гідрантам, але гэта не выратавала хлопца.
Мікіта жыве ў Брэсце, у Мінск ён прыехаў, хутчэй за ўсё, спецыяльна на марш, мяркуюць сваякі.
«Ён прыцягнуты да адміністрацыйнай адказнасці за правапарушэнне. Быў суд, — паведаміла «Нашай Ніве» Наталля Ганусевіч, прэс-сакратар мінскай міліцыі.
У судзе Цэнтральнага раёна Мінска адказалі, што Мікіта Ігнацюк прызнаны вінаватым ва ўдзеле ў несанкцыянаваным масавым мерапрыемстве. Ён атрымаў 15 сутак.
Суддзя — Аляксандр Петраш. Вядома, што гэты суддзя часта дае дэманстрантам суткі.
На відэа добра бачна, што ў людзей, якія «разбіралі» вадамёт, зусім не такая вопратка, як у Мікіты. Яго віна — фотаздымак з тым злашчасным кавалкам гідранта.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю33
Каментары