Стаўка рэфінансавання і працэнтныя стаўкі па аперацыях рэгулявання ліквіднасці Нацбанка захоўваюцца на ранейшым узроўні.
Адпаведныя рашэнні прынятыя праўленнем галоўнай фінансавай установы краіны па выніках пасяджэння 14 кастрычніка.
У апошнія месяцы інфляцыя паскорылася і склалася вышэй, чым чакалася. У верасні гадавы прырост спажывецкіх цэн склаў 6,1%. Такая дынаміка інфляцыі абумоўленая ростам цэн на імпартаваныя тавары ў сувязі з паслабленнем беларускага рубля ў жніўні на фоне павышанага попыту на замежную валюту.
Наступнае пасяджэнне праўлення Нацбанка па грашова-крэдытнай палітыцы запланавана на 11 лістапада.
Стаўка рэфінансавання з 8 да 7,75% была зніжана 1 ліпеня. Гэта мінімальнае значэнне за ўвесь час незалежнасці. 1 студзеня 2020 года СР складала 9%.
Каментары