Толькі паглядзіце, якую раскошную калекцыю гадзіннікаў Salidarnasć выпусціў беларускі вытворца
Кампанія HVILINA анансавала новую калекцыю з гаваркой назвай Salidarnasć. Калекцыя ўключае чатыры мадэлі гадзінніка ў белым, шэрым, чорным і нюдавым колерах.
У аснову канцэпцыі лёг сучасны біянічны дызайн у выглядзе пчаліных сотаў, які сімвалізуе згуртаванасць, адзінства і ўзаемадапамогу.
Соты на цыферблаце адрозніваюцца адзін ад аднаго як знешнім выглядам, так і тэхналогіяй нанясення — разам складаюць цэласную карціну і арганічна дапаўняюць адзін аднаго. Назва калекцыі, размешчаная ў ніжняй частцы цыферблата, напісана на беларускай лацінцы. Гадзіннік — унісэкс, выкананы ў стылі мінімалізм.
Простая, лаканічная і актуальная форма корпуса, дапоўненая сіліконавым хутказдымным раменьчыкам робіць гадзіннік універсальнымі практычна для любога гардэроба, незалежна ад узросту або полу. На заднім вечку гравіроўка ў выглядзе стылізаваных сот. Гравіроўка на завадной галоўцы паўтарае адзін з графічных элементаў на цыферблаце.
Корпус гадзінніка выкананы з нержавеючай сталі. Механізм швейцарскі кварцавы Ronda 762 з рэсурсам жыцця батарэйкі да 3 гадоў, шкло — загартаванае, мінеральнае.
Калекцыя ўжо даступная па перадзамове па цане 189 BYN са зніжкай 25%, пасля паступлення гадзіннікаў у продаж цана на іх складзе 252 BYN. Плануецца, што ў продаж гадзіннікі паступяць напярэдадні навагодніх святаў. Гэтая калекцыя стане адной з самых даступных сярод усіх лінеек брэнда.
-
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста
-
Беларусы здымаюць вогненныя пародыі на ролік са школьнікам, які палоў бульбу — далучыліся ратавальнікі, метрапалітэн і «Купалаўцы» ВІДЭА
-
«Я аж спалохаўся, рэальна». Беларусы знайшлі ў лесе гіганцкі баравік
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары