«Шырокая забрушынная гематома, але збіццё адмаўляў». У Віцебску ў бальніцы ноччу памёр студэнт медуніверсітэта
У Віцебску ў бальніцы хуткай медыцынскай дапамогі ноччу 27 кастрычніка памёр студэнт 4 курса медуніверсітэта. У хлопца была шырокая забрушынная гематома, але збіццё ён адмаўляў, паведаміла Tut.by крыніца ў БХМД.
Студэнта завуць Арцём А., ён вучыўся на 4 курсе фармацэўтычнага факультэта.
— У маладога чалавека была шырокая забрушынная гематома. Такая траўма можа адбыцца пасля разрыву сасуда. Яму зрабілі аперацыю, крыніцу крывацёку на ёй не ўсталявалі, — распавёў супрацоўнік БХМД.
Смерць маладога чалавека ў мясцовых тэлеграм-каналах звязваюць з мірнай акцыяй пратэсту, якая прайшла каля галоўнага Віцебскага медуніверсітэта 26 кастрычніка.
Тады каля 40 студэнтаў спявалі ля фантана «Тры чарапахі» і «Пераменаў». Супрацоўнікі міліцыі ў цывільным здымалі на камеру, а потым затрымалі 4 чалавек — двух хлопцаў і дзвюх дзяўчат.
Студэнты паведамілі Tut.by, што Арцёма А. не было сярод чатырох затрыманых удзельнікаў пратэснай акцыі.
— Малады чалавек сам учора выклікаў сабе хуткую. Казаў, што жывот у яго пачаў балець яшчэ ў нядзелю. Ён адмаўляў пры паступленні збіццё і траўмы, — кажа крыніца ў БХМД.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?1
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары